- കൂലി വേലക്കാരുടെ പരസ്പര സഹായ സഹകരണ സംഘം എന്ന നിലയിലുള്ള ആനുകൂല്യങ്ങളാണ് ULCCS ഇപ്പോഴും അനുഭവിച്ചു കൊണ്ടിരിക്കുന്നത്. 10% അധിക നിരക്ക്, ഇ എം.ഡി വേണ്ട. സെക്യൂരിറ്റി വേണ്ട. സ്റ്റാബ് ഡ്യൂട്ടി വേണ്ട, റിട്ടൻഷൻ വേണ്ട. സെക്യൂരിറ്റി ഇല്ലാത്തതുകൊണ്ട് ഫലത്തിൽ ഗ്യാരണ്ടിയും വേണ്ട.
- ആലപ്പുഴ-ചങ്ങനാശ്ശേരി റോഡ്, സ്വകാര്യ കരാറുകാരപ്പോലെയാണ് ULCCS ഏറ്റെടുത്തത്. വിദേശ കമ്പനിയായ EVARASCORN-മായി കൂട്ടുസംരംഭം ഉണ്ടാക്കി, ഇ.എം.ഡി.യും സെക്യൂരിറ്റിയും കെട്ടിവച്ചു. 672 കോടി രൂപ അടങ്കൽ ഉണ്ടായിരുന്ന ഒരു പ്രവർത്തി മറ്റ് സ്വകാര്യ കമ്പനിയെപ്പോലെ ഏറ്റെടുത്ത് നടത്തിയ സ്ഥാപനത്തെ കൂലിവേലക്കാരുടെ പരസ്പര സഹായ സഹകരണ സംഘം എന്ന് പറയാമോ?
- കൊളാറ്ററൽ സെക്യൂരിറ്റിയില്ലാതെ വായ്പ. പൊതു മരാമത്ത് മാന്വലും ഫിനാൻഷ്യൽ കോഡും അവഗണിച്ച്, സഹകരണവകുപ്പിന്റെ സ്പെഷ്യൽ ഉത്തരവുകളിലുടെ എപ്പോഴും സംരക്ഷണം, ആനുകൂല്യങ്ങൾ , ഇളവുകൾ. പ്രീക്വാളിഫിക്കേഷനിൽ പോലും ഇളവ്.
- സ്വന്തം ക്വാറികൾ, ക്രഷറുകൾ, ടൂറിസം പദ്ധതികൾ, ഐ.ടി പാർക്ക് എന്നിവയുള്ള സ്ഥാപനമാണ് ULCCS. 1500 എഞ്ചിനീയറന്മാർ അവർക്ക് സ്റ്റാഫായി ഉണ്ടെന്ന് പറയുന്നു. കേരളത്തിലെ ഏത് നിർമ്മാണ കമ്പനിയ്ക്കാണ് ഇത്രയും സൗകര്യങ്ങൾ ഉള്ളതു്.
- ധീരുഭായി അംബാനി തൊഴിലാളിയായിരുന്നു. എന്നാൽ അംബാനിയുടെ സ്ഥാപനങ്ങളെ ഇപ്പോൾ തൊഴിലാളി സ്ഥാപനങ്ങൾ എന്ന് ആരെങ്കിലും വിളിക്കുമോ?
- സർക്കാർ വകുപ്പുകൾ ULCCS -ന് എപ്പോഴും V VIP പരിഗണനയാണ് നൽകുന്നത്. ULCCSന്റെ ഫയലുകൾ ശരവേഗത്തിൽ കൈകാര്യം ചെയ്യാൻ തയ്യാറാകുന്നില്ലെങ്കിൽ ഉദ്യോഗസ്ഥർക്കും നിലനില്‌പ്പില്ല.
- കേരളത്തിലെ CTE, പോലീസ് വിജിലൻസ് , വകുപ്പുതല വിജിലൻസ്, ധനകാര്യ ഇൻസ്പെക്ഷൻ വിഭാഗം എന്നിവയൊന്നും ഊരാളുങ്കലിന്റെ പ്രവർത്തികൾ അന്വേഷിക്കാറില്ല. C& AG മാത്രം ULCCSന്റെ ഒരു പ്രവർത്തിയിലെ വൻ ക്രമക്കേടുകളുടെ, ഒരു ഭാഗം റിപ്പോർട്ട് ചെയ്തിരിക്കുന്നു.
- കേരളത്തിലെ ചെറുകിട- ഇടത്തരം കരാറുകാരെക്കാൾ എന്തിന്റെ എങ്കിലും കുറവ് ULCCS-ന് ഉണ്ടോ?
- എന്തിനാണ് , ഖജനാവിന്‌. വൻ നഷ്ടം സൃഷ്ടിച്ചു കൊണ്ട് ULCCS-ന് വൻ ആനുകൂല്യങ്ങൾ നൽകുന്നത്?
- ആയിരക്കണക്കിന് കോടി രൂപയുടെ പ്രവർത്തികൾ, ടെണ്ടർ ഒഴിവാക്കിയും , ഊരാളുങ്കലിന് നൽകുന്നു.
കേരള നിർമ്മാണ വകുപ്പുകളെയും കേരളത്തിലെ ചെറുകിട-ഇടത്തരം കരാറുകാരെയും , യഥാർത്ഥ തൊഴിലാളി സഹകരണ സംഘങ്ങളെയും ഇല്ലാതാക്കുന്ന വിധത്തിൽ, ULCCS -ന് അനാവശ്യ ആനുകൂല്യങ്ങളും അധിക സംരക്ഷണവും നൽകുന്നതു് അവസാനിപ്പിക്കുക. LieveI Playing Filed ഉറപ്പാക്കുക. ഒരു ജുഡീഷൽ അന്വേഷണത്തിലൂടെ അഴിമതികൾ വെളിച്ചത്ത് കൊണ്ടുവരുക.
വർഗീസ് കണ്ണമ്പള്ളി .
പ്രസിഡന്റ് ,
കേരളാ ഗവ. കോൺട്രാക്ടേഴ്സ് അസോസിയേഷൻ