തിരുവനന്തപുരം: കേരള കരാറുകാർ ഫെ: 1 ശനിയാഴ്ച പണികൾ മുടക്കുന്നു. നിർമ്മാണ മേഖലയിലെ പ്രതിസന്ധി അധികാരികളുടെയും പൊതുജനങ്ങളുടെയും ശ്രദ്ധയിൽ കൊണ്ടുവരുന്ന തിനാണ്,പണിമുടക്ക്. അന്ന് അവകാശ ദിനമായി ആചരിക്കുന്നതും എം.എൽ.എമാർ , മുഖ്യമന്ത്രിയടക്കമുള്ള സംസ്ഥാന മന്ത്രിമാർ , സംസ്ഥാന ഗവർണർ, എം.പി. മാർ, കേന്ദ്ര മന്ത്രിമാർ തുടങ്ങിയവർക്ക് അവകാശ പത്രികയുടെ കോപ്പി അയച്ചു കൊടുക്കുന്നതുമാണ്. ജൽ ജീവൻ മിഷൻ കുടിവെള്ള പദ്ധതിയിലെ ഒട്ടനവധി പണികൾ കുടിശ്ശിക മൂലം നിലച്ചിരിക്കുന്നു. തന്മൂലം പല സ്ഥലങ്ങളിലും പൊതുജനൾ രോഷാകുലരാണ്. ജനുവരി 7-ന് മുൻപ് എല്ലാ എം.എൽ.എ മാരെയും എം.പി.മാരെയും നേരിട്ട് കണ്ട് നിർമ്മാണ മേഖലയിലെ പ്രതിസന്ധി ബോദ്ധ്യപ്പെടുത്തുമെന്ന് കേരളാ ഗവ.കോൺടാക്ടേഴ്സ് കോ – ഓർഡിനേഷൻ കമ്മിറ്റി ചെയർമാൻ നജീബ് മണ്ണേൽ, ജനറൽ കൺവീനർ ആർ.രാധാകൃഷ്ണൻ എന്നിവർ അറിയിച്ചു. കോ – ഓർഡിനേഷൻ കമ്മിറ്റി ദിമുഖ കർമ്മപരിപാടിയുമായി മുന്നോട്ടു പോകുകയാണെന്ന് നേതാക്കൾ അറിയിച്ചു.
- നിർമ്മാണ മേഖലയിലെ പ്രതിസന്ധിയുടെ യഥാർത്ഥകാരണങ്ങളും പരിഹാര നിർദ്ദേശങ്ങളും ബന്ധപ്പെട്ടവരെ ബോദ്ധ്യ പ്പെടുത്തുന്നതിന് “വിജയം വരെ പോരാട്ടങ്ങൾ ” സംഘടിപ്പിക്കും.
- കരാറുകാരെ സ്വയം ശാക്തീകരിക്കുന്നതിനും അവരുടെ ജീവിത ഭദ്രത ഉറപ്പു വരുത്തുന്നതിനും അവരെ മികച്ച സംരംഭകരാക്കാനുമുള്ള പദ്ധതികൾ നടപ്പാക്കും. ജനുവരി 29 – ന് തിരുവനന്തപുരം ഗുലാത്തി ഇൻസ്റ്റിറ്റ്യൂട്ടിൽ നടക്കുന്ന സംരംഭക ക്യാമ്പ് , കരാർ പണിയ്ക്കൊപ്പമോ പകരമോ ആശ്രയിക്കാവുന്ന ഒരു സംരംഭം കൂടി ആരംഭിക്കുന്നതിനുള്ള പരിശ്രമങ്ങളുടെ തുടക്കമാണെന്നും നജീബ് മണ്ണേലും ആർ രാധാകൃഷ്ണനും അറിയിച്ചു.
- കുടിശ്ശികയ്ക്ക് ശാശ്വത പരിഹാരമായി ട്രെഡ് സ് (TReDs) നടപ്പാക്കുക.
- നില നിലവിലുള്ള കുടിശ്ശിക തീർക്കാൻ പ്രത്യേക പായ്ക്കേജ് കൊണ്ടുവരുക.
- ജൽ ജീവൻ ഉൾപ്പെടെ സംസ്ഥാന സർക്കാർ മാച്ചിംഗ് ഷെയർ നൽ കേണ്ടതിനുള്ള പണം, സംസ്ഥാനത്തിന്റെ വായ്പാ പരിധിക്കു പുറമേ സമാഹരിക്കാൻ സംസ്ഥാന സർക്കാരിനെ അനുവദിക്കുക.
- അറ്റകുറ്റ പണികൾക്കുള്ള ബഡ്ജറ്റ് വിഹിതം വർദ്ധിപ്പിക്കുക.
- വാറ്റ്, സർവ്വീസ് ടാക്സ് , ജി.എസ്.ടി എന്നിവയുമായി ബന്ധപ്പെട്ട പ്രശ്നങ്ങൾ പരിഹരിക്കുക
- കോടതി കേസുകൾ, റിസ്ക് ആൻഡ് .കോ സ്റ്റ് ഉത്തരവുകൾ എന്നിവകളിൽ അദാലത്ത് സംഘടിപ്പിക്കുക.
- ഇലക്ടിക്കൽ, ഇലക്ട്രോണിക്ക് സ് , ഐ.ടി, മെക്കാനിക്കൽ വിഭാഗങ്ങളെ മുഖ്യധാരയിൽ കൊണ്ടുവരുക,
- 2025 ലെ വിപണി നിരക്കുകളിൽ അടങ്കലുകൾ തയ്യാറാക്കുക.
- എല്ലാ പ്രവർത്തികൾക്കും സുതാര്യ ടെണ്ടറുകൾ ഉറപ്പു വരുത്തുക.
- പ്രൈസ് പ്രിഫറൻസ് എടുത്തു കളയുക.
തുടങ്ങിയ ആവശ്യങ്ങളാണ് കോ-ഓർഡിനേഷൻ കമ്മിറ്റി ഉന്നയിക്കുന്നത്.
വികാസ് മുദ്രയ്ക്കു വേണ്ടി
വി.ഹരിദാസ് പാലക്കാട്.